冒險，就是畀次機會自己

//畀個機會人哋，亦係畀個機會自己。//

近來忙到一個點，必須集中精神全力應付，許久沒在這裏寫文章。

工作一多，就想吃沾麵吃拉麵。有一次食麵時在麵店的牆上見到這句，但google translate認不到手寫字，只能估估下。後來問問祕書大人，指住句型拆字，請教請教，總算認出在寫什麼。

「畀個機會人哋，亦係畀個機會自己。」啊，噉樣樣。

句說話，本來應該是在說「放過人哋即係放過自己」之類，但我諗咗去第二個方向，諗左好多同機會與冒險有關的事情。

迎向機會，本身就是一場冒險。每行一步，即使計劃周詳，也都有其冒險之處，都有不似預期的可能。包贏包賺包生仔，世上沒有這樣便宜的事。即使是隨機行為，有趨近normal distribution的分佈結果，但也不會百分百對到正，總有例外狀況。

在完全佛系的隨遇而安與完全操控的control freak之間，在完美主義的崇高理想與血肉模糊的泥漿現實之間，認識限制，接受失誤，檢討修正，再次嘗試，是最尋常不過的冒險，也是我們這些平凡人的恩典日常。

當你自覺nothing to lose，往往可以做到許多新事、實事。而當你自覺做到嘢、establish something，就會漸漸因循，被過往的成功困住，縛手縛腳，最後乜都做唔到。

好記得，有一次遭遇極大的艱難，亂糟糟，我求教於師傅（不是算命那些啦）。佢醒咗我一句：「其實都係nothing to lose啫，就算衰極，大概咪又係噉，怕咩嘢呢？」一言驚醒夢中人。有時做人就係太過放唔低，唔記得咗我哋喺最初的起點是怎樣過日子，對那個手空空無一物的自己太過陌生也太過恐懼，唔記得咗我哋個起點本來就係一無所有。

而又其實，即使好像一無所有，這些經歷，是已經落了袋，已與我們的生命融為一體，只待我們把它轉化成前進的動力和智慧。

當然，這些經歷不用過度美化，只是，當艱難至極，痛到癲，相比起死無葬身之地，跌跌碰碰所帶來的流血受傷，衰極都有個譜，痛極都有個限度。

講咁多，都只係因為自己正在面對排山倒海般的任務，件件堅揪，鑊鑊艱難，要回想一下自己是怎樣走過來，鼓勵一下自己，放下成敗的恐懼，回想上主一直以來的同在，同伴一直的同行，在生命中期待新事物的來臨。