Clubhouse，人玩我又玩

前幾日見到網友開始成日提住Clubhouse這個字，初初不以為意，心想應該是一個新的社交平台吧，我又不是KOL，不用趕忙發表試用心得，先做好手頭上的事情吧。

沒想到，幾日之間，Clubhouse這個沒有影像、純靠聲音的社交平台，在朋友圈之間火紅起來，好不熱鬧。

要用到Clubhouse，先要下載app。暫時Clubhouse只提供iOS版本，而且要有人邀請才可加入，而新人可以邀請朋友的名額只有兩個。加入後，在自己的profile下有邀請人的名字，也就是說，當把這配額給朋友時，同時也會暴露自己的身分，加上戶口和電話號碼綑綁，這些關卡的設計令人在邀請時也多考慮幾分。

試下新平台，試下啲function，join下啲room，想像一下可以用個app做乜嘢，好似幾得意。

去咗幾個room之後，忽然之間覺得，電台清談節目可以隨時搬晒去呢度做，嗰啲咩嘢研討會根本唔需要book場地，台下參加者可以即時受邀做埋speaker。台下參加者唔使對住個mon，行住街、洗緊碗、做緊gym都可以聽，真係唔怕無渠道，只怕無內容。

當然，朋友齋吹水都無問題啦。（翌日朝早見到朋友提起有個room，昨晚深宵只准用比卡超話交談，係噉pikapika，場面真係壯觀而且舒壓，想一想都笑出聲。）

個app收音播音效果幾好，唔用咪同用咪都差唔多，幾清晰，連拉拉鏈都聽得一清二楚。Social network功能亦有板有眼，例如個人profile會見到邊個邀請你加入，有一種社群制約的效果。搗亂的人被report得多會有感歎號做提示，房間主持人可以醒水。

節目表功能都好有趣，簡直係電台節目時間表、研討會rundown，跟住入唔同房就得。

當然，個app只係提供咗一個空間，用來做番clubhouse，識下人八卦下吹下水，都係好正路嘅。

之後最需要思考嘅係，係噉聽，靜靜地做嘢嘅時間真係好快會無晒。

‎Clubhouse: Drop-in audio chat

Pakkin